Li Grand’Mére
Dj'èl rivwès su s'tchèyère bin au culot do feû.
Adlé lèye po choûter li fauve qu'èle nos conteûve,
Rachonnés bin paugères èt lèyant là nosse djeû,
Achis t'autou d'l'aistrée, fiant d'grands oûy's, on choûteûve.
Et t'anawète, po bware on p'tit gwardjon d'cafeû,
Li grand'mére on momint sins causer s'ripwaseûve;
Adon tot l'monde èchone au pus fwart on crieûve :
Dispètchoz-vos, grand'mére, di dire ci qu'a fé l'leûp !
Dispeû bin dès années li grand'mére èst rèvôye
Et su li tch'min dèl vie, on a chacun pris s'vôye,
Rigrètant bin sovint 1ès djoûs qu'on a pièrdu.
A-ç't'eure avou plaigi, come on voreûve rivôye
Tos lès eûreûs momints qu'on a lèyî su l'vôye,
Qui l'Timps nos a fé piède èt qu'on rivwèrè pus !