Dji n' sé si vos avoz déjà ètindu causer di Daurvillers ?
Todis esti qui c'estait on scélèra qui après awet toué spére, l'a sty tappé è l'aiwe.
Ossi, il a sty condamné à awet l'pougne dju, et après ça guillottiné.
Li djoû qu'on d'vait l'guillottiner, on estait vnu tot au matin, monter li guillottine, l'quéle on avait mettu on blot et one atche po ly côper l' pougne.
A l'prigeon on avait sonné à moirt tote li naît
Autoû d'ell' guillottine, i gnavait quate gendarmes à tchfau.
En atteindant li condamné les aides ont fait aller l'grand coutia afin de s'assurer si glissait bein. Ca donnait d'jà one impression.
Tot l'Grand Martchi estait couviet dgeins; aux fignesses et jusqu'à su les toits, ci n'estait qu'one tiesse.
Quand Daurvillers ès s't'arrivé su l'Grand Martchi, li tiesse neuwe, à pîds d'tchaux, rein qu'on pantalon et si tchmîche et, à costé d'li, li prêtre l'y mostrant l'Christ, i s'a passé come on frisson dins totes les dgeins.
Quand Dauvillers a vèyu l'guillottine, il a rculé d'saisichemint. Mais y fallait bein qu'il y passe, li brigand.
On côp monté su l'èchafaud, on l'y a mostré l'atche avou l'quél' on d'vait l'y côper l'moain, mais po c'poinne-là on l'avait grâcié.
Alôrs les boûrrias l'ont apougnî et l'ont loî su l'plantche fatale.
On minute après on a dischindu li lunette dissus s'cô…
I s'a volu r'tourner…Mais li coutia l'avait décapité…
A c'momint-là, ci n'a sty qu'on cri dins totes les dgeins…
Bramint les feumes, meinme des hommes ont tchèïu flauwe…
Dji vos è respond qui c'estait one saquet d'trisse à vôïe
Mais on a bein fait di supprimer ci brigand-là !
pp. 66-67