Les foyes tchaiynut
Dissu nos grands tchmins regrignîs,
Dj’ a veu tchaire les prumirès foyes
Et dji m’ a metou a sondjî,
Sintant ene låme frexhi mes ouys.
Ele tchaiynut doûçmint, ene a ene,
Tchesseyes å lon pal pus ptit vint,
Ca l’ vint et les niûts d’ waeyén-tins
Do vete fouyaedje ni laiynut rén.
Li tere end esteut tote coviete,
On nel veyeut ddja cåzu pus ;
Pôvès foyes, vos k’ a stî si vetes,
Vs avoz viké, vos dvoz mori.
Et c’ e-st insi k’ eva nosse veye.
Cwand on est djonne, on n’ î sondje nén.
Nos n’ veyans ki l’ såjhon floreye.
Mins l’ bouneur et l’ djoye n’ ont k’ on tins.