Les fouyes tchèy’nut
Dissus nos grands tchmins règrignis,
Dj'a vèyu tchêre les prumères fouyes
Et dji m'a mètu a sondji,
Sintant one lâme frèchi mes ouyes.
Eles tchèy'nut douc'mint, one à one,
Tchessîyes au lon pa l'pus p'tit vint,
Car li vint èt les naits d'autone
Do vète fouyadje ni laiy’nut rin.
Li tère ènn' esteuve tote couviète,
On n'èl vêyeuve causu pus;
Pôves fouyes vos avoz sti si vètes
V's'-avoz viqué, vos dvos moru…
Et c'est st'ainsi qu'èva nosse vîye,
Quand on est djônne, on n'i sondje nin;
Nos n' vèyans qui l'saujon florîye,
Mais l'boneûr èt l' djôye n'ont qu'on timps.