One ricète di ma cûjène.
C’ è-st one ricète, ki dj' espêre va v' plaire, k’ on mougne co asteure. Mais a m’ façon, mi, dj' el fai come ça.
Des bones carbonâdes : non trop sètches ; on ptit filet d’ crås ddins : ça fait dol bone såce, ça, hin. On les fricasse, al paile, comifåt, èt pî on les met al casrole, avou des prunôs ; on grand boket d’ laurd trèlardé u deus. Deus, c’ est co mî. Et pu adon, on laiche mijoter ça tot doûçmint, bin tot doûçmint po k’ ça cuye lontins tot doûçmint, nén fwârt. Èt pî on rajoute bin sûr one bone nokète di bûre cand i faut, ça.
Èt pî po fini, si on veût k’ i gn a pus waire di sauce, mi, dji met dol bîre. One pitite botèye di bîre : dol Crik al cèrîje, la hin. Oubin dol bîre brune, ây.
Èt pî on mache co comifaut, et ça cût tot doûçmint. Èt pî, vola : cand on pike didins avou ene fortchète : « Abén, ça va ! ele sont bones. » Èt on les lait sol costé an ratindant l’ eûre do mougner, mafwè.
C’ est la rcète des carbonâdes flamandes.
lî ås scoles di Bive (scole påzès scolîs) li 12 di nôvimbe 2024