Le Lesse à Han

Ciste ouve ci egzistêye eto divins ds ôtès ortografeyes : Feller-Soverdeas — Rifondou.

Le Lesse à Han

Imprimreye Charles Desoer, Lidje, 1903 (eplaidaedje); sicrît e 1896

Le Lesse à Han^[1]

Combé l'a-t-e bé d' mel ans,
Que l'vie Lesse,
Tode lesse
Se despaiche ses les rèstans
Des rocs que d'chernent ses flancs,
Et dins l'ombe
D'on goffe sombe,
Va s'abemer è tourbiant ?

Combé l'a-t-e bé d'mel ans,
Que dins l'grotte,
Comme one sotte,
Comme one ferie è chemant,
Tos ses ch'fias se d'comèlant,
Elle intère,
E colère,
Po se r'mostrer è sortant
De s'mestère
Tote paugère
Et prinde se vôie desses Han ?

Combé l'a-t-e bé d'mel ans.
Que l'Bon-Dieu à ses effans
Det d'iesse sages,
Pe sages que l'Lesse è chèïant
Tote è rage,
Dins l'goffe de Belvau bauyant,
Et s'on n'vout fér pon d'tapage,
Dè songi à l'Lesse de Han,
Combé d'ça l'a-t-e d'mel ans ?…

Note Wikisourd

Scrît li 28 di djulete 1896, replaidî dins l' Annuaire de la Société Liégeoise de Littérature wallonne, l° 16, 1903, p. 51

↑ Li mwaisse tite estant e grandès letes, i n' est nén possibe di vey si c' est l' mot « a » u « à ». Nos avans metou « à » come dins l' restant do tecse.

[1] Li mwaisse tite estant e grandès letes, i n' est nén possibe di vey si c' est l' mot « a » u « à ». Nos avans metou « à » come dins l' restant do tecse.

[1]