L’FEUME DÉ L’HOMME QUI POND.
Nia rin qui vo pesse comme in S'crét !
L’téni lontain pou n'feume, c’est l'mére à boére !
Su c'chapite là, si vo v’lét m’coère :
Brammin dés hommes sont bin feume sain l'savoét.
Par niû in homme, pou sprouvé l'sienne,
Echenne tins qu’il estint couchi,
In s’coutrouyiant s'mét à crii :
Ouye! ouye! ouye! Ayel'aye! aye! on m'desquette emm'boudenne !
D’in où, zeffants, jé su bin accouchi!
Woëtét, lé vla! c’est st'à n'né coëre sés ouyes,
N'd'allét né canqueté d'ca, pasqu'on m'appél’rét pouye !
Ell’feume qui n’sintèt né l'paquét,
Li promét in rachant s’filet!
Elle court rade au malin, avét s’colle, sain bottines,
Au boutique chez p'tit Jean, conte laffaire à Fifine :
— « Vo n'savét né, distelle, Jâque a pondu in où!
« Pu gros qu’enne gaye! taiche-tu, co pu d'toés coûps !
« 1 s’a r'lévêt par ni! dain s’vinte il avét n’eranpe!
« N’choufflét rin d’ea! ou bin, vo m'fri attrapé n'tranpe!
— « Mon Diœu, m'fie, nia pont d’imbarras! »
Distelle Fifine, in sat’chant su s’godiche.
L’Feume du pondeù dain l'rûe n'avél né fai qualie pas,
Q'Fifine n’a rin d’pu chaud, q'dé l'eonté à Tatiche ;
Ostant sû l’plasse acclapé enne affiche!
Mai pou in où, elle in dit toés!
Tatiche in l'disant à Francoét,
In conte huile ! et leü S’cret court toudi |’ pertontenne !
I brotte l'affaire au cabaret :
Mai l'nombe dés oùs pondus monte à deux toés douzenne:!
Jâque va pou boëre es’pinte, on l'couyonne pasqui pond!
Mai pou corrigi s’feume et li foutie enne lesson ,
I li rmésure ess’ dos tint qui poù avét s’rile!
Ça n’inpéchét l’bru d’sestinde comme enne tache d'huile!
Au niu leû S’crét ai sû, paltavau | zinvirons,
Mai où avét cangi co pu d’in quinze quàrtrons !
Dain vo mogeonne, Colas, v’lez viqui bin tranquie*
N d'allét né raconté vos affaires au voésin !
Ni à in camarade! ni même à in parint!
Nia vin d'té : q'd’erlavé vo linche sèle in famie.