L’ aironde
Rapide et ledjire come l’ aronde
Ki fonce d’ on trait e l’ åtche do pont,
Dj’ a veyou passer ene aironde,
Frisse et bele come li djoû ki pond.
Li tchersî flori lyi epronte
Li nivaye di s’ coir et s’ è pond.
 solo, e mitan di s’ ronde,
Li sclat des tchveas vénreut a pont.
Ele si mostere, sorît et passe.
Dji m’ vôve[1] elancî so ses traeces,
Mins n’ veu[2] nole fleur ki s’ pî ploya !
Dji n’ veu pus ki l’ vude k’ ele leya,
Si grand ki djoû m’ è paret noer.
Vos vôrîz s’ no ? ‒ Dji lome Bouneûr.
Note Wikisourd
Eplaidî pol prumî côp dins La Semaine li 12 di djun 1926.