Come tos les 10 di nôvimbe, dj’ a stou fé mi ptit toû al Nouve Veye la wice ki rispoizèt des cintinnes di djonnes sôdårs amerikins k’ ont vnou al fleur di l’ ådje diner leu veye po k’ nos rtrovénxhe nos libertés ki les Boches nos avént hapé. Portant, ciste anêye n’ est waire li minme ki ls ôtes, et dji m’ dimande çou k’ ces djonneas la polèt bén tuzer cwand i veyèt çou qui vint di s’ passer e leu prôpe payis.[1]
Li pesse s’ î mzuréve avou l’ colera et dji peze mes mots. Tos ces ptis sôdårs polént i tuzer k’ on djoû, on reyreut d’ zels paski do djaene, do noer, do maxhuré fijhént taetche so leu vizaedje. Pask’ i vnént do Mecsike, di l’ Afrike, di l’ Azeye, do nôrd ou bén do sud di leu bea payis.
Li måva vint d’ l’ ess mi côpéve e deus; dj’ a fruzi. Come dji n’ so waire d’ adrame po l’ moumint, dj’ a fwait dmèy tôu tot tapant ene dierinne loukåde.
Neni valet, l’ Amerike n’ est pus çou k’ elle esteut. Et dji rdjonda mi oto.
I s’ meta-st a ploure come totes les låmes d’ ene Amerike ricovrowe pal mer.
sicrît li 10 di nôvimbe.
Sol minme sudjet:
* Sacwants tuzaedjes d’ après les eleccions « made in USA »
* Democraceye : li cas Donal Trompe
Pî-note