L’Maule d'Agasse et l’Coucou

Ciste ouve ci egzistêye eto divins ds ôtès ortografeyes : Rifondou.

L’Maule d'Agasse et l’coucou

Jules Lemoine (Horace Pierard, (…) sa biographie et ses œuvres), 1885

Horace Piérard, fabuliste & chansonnier wallon - sa biographie et ses œuvres. Précédées d’une étude sur Jacques Bertrand et Albert Thibaut

1885

[ 86 ]

L'MAULE D'AGASSE ET L'COUCOU

In Maul′ d'Agasse in r'vènant di s'djournée
Rescont′ in cau din in pachi
Fé long stindu, dri enne uraie,
In p'tit coucou qu'asteut cwachi.
Comme il esteut faurt charitâpe :
« Hai ! feumme. dist-i, no n'poulons né
Léï drossi l'pauv′ diâpe.
Si no li r'moini din no lé. »
S'feumme esteut trop anoyeuse
Trop charitâpe étout
Pou lèï la l'Coucou.
« V'nez, Mitchot, dist-elle, v-nez m'chère âme,
V'nez coutchi avou nous. ›
Elle fait si bé qu'après pau d'timps
L'Coucou tchantent avou Madame.
C'est l'Maule d'Agasse qn'asteut contint !

* * * * * * * * * * * * * * * * * *

Mais les mouchons, qué race !
Troës djous après, y parait qui l'Coucou

[ 87 ]

Fileut avou Madame l'Agasse ;
C'est Monsieur qu'esteut prou !
Ah bah ! dist-i, qui l'bon Dieu les bénisse !
Il a pris m'feumme, c'est li qui dj'plains,
Car s'il l'a fait pou m'rind′ service
I pou bé dir′ qui m'dé rind ien.