Dins n'in richot
In p'tit bèdot
S'irlaveut ;
Arrive in Leup.
Ell'biesse, qu'aveu longtimps fait d'jenne,
Areu d'ja sti contenne
D'awoè pou s'rassasi enn′ crouss′ ou in mitchot,
Et v'là qui s'n'ange gardien li èvoïe in bèdot !
« Eh bé ! pou çà dist-i, suchons humain !
Causons honnêtremaint !
Eh ! p'tit sint mwai, carogne,
Dirass′ pu long grawer tes rognes !
Ess′ qui t'va croëre
Qui ti m'fra boëre
Tes manestés ?
Allons ! hue, rotes,
Va ! fê tes crottes
Hors du fossé. »
El'Bèdot, tout saisi, in trianant respond :
« N'wèyez né bé qui dj'seus dins l'fond ?
Si dj'fèïeu même des incongruités
Çà n'direut né pas vos costé !
Suchez bé seur, dji n'ai fait nu pet, nu vesse
Et ré d'contraire all′ politesse ! »
« T'ess't'in blagueux, »
Dit l'Leup furieux.
« Ti n'sé qué mau dir′ di mi ;
L'année passée ti m'a co dispriji !
« L'année passée ? Dji n'ai né co chix moës,
Dji les arai aux Roës ! »
« Si c'nest né t'même, c'est ien d'tes frères ! »
« Vos v'let m'cherchi misére,
Dji n'ai pont d'fréres !
Dji seut bèdo unique,
Et dins m'famie i gna pu qu'mi qui vique. »
Dji m'fous d'tous tes ramages
Sacrè p'tit d'Jean potage !
Dji m'fous d'toutes tes grimasses,
Ti m'as manquè y faut qu'ty passes. »
Là d'sus no Leup li ströne, s'sauve dins l'bos Lombu
Avou l'champette à s'cu.