Quoè c' qu'i s'passe, don, volà, dzeu Hatrivau ?
Lu ciél su tatche du points noirs tot avau !
Ça boudge, ça s'chaurre, ça s'ramasse à nouadge,
Ça tourbie tant qu c'est s't'in vrai cramiatche.
C'est des zigue-zagues, tos spitatches à biairdant
Qui final'mint v'nèt mau covru voss tchamp.
Ç'n'est qu'enne masse du cornayes. Qu'on les r'traque.
Leu bondjou est si drole ! Vos oyez — cwaque ! —
Tins, s'elles savint aidé dz'ontes à tchantè !
No, IT'abrouye ront l'bai concert du l'estè.
Voci poquoè : Lu coirbau n'ème nin d'rire.
Sa linwe et s'bètche sont si ders qu do l'pirre.
En mèlodie, sa seule note tape à faux.
C'qu'i mèrite.
Su grand souci, c'est d's'abatte tot si mau
Pèpiè les grainnes qui v'nèt d'esse attèrrées,
U, co pus grave, ca la bande s'met serrée,
Prinde o lum'con la bonne paure qui
Li vint d'esse, là, l'premi, s'trainnant ainsi po rin !
Li, si paujúle, on l'eberloupe et on l'broye,
L'mengon r'triquè, à l'minute, il est voye !
Si la justice vônrot bin s'è mellè,
Çu s'rot l'coirbau, lu monsse à z'accablè.
Bin, on n'manque nin à Aurvaye du su l'dire :
«Ougeai parèye russanne aux laides sônrcires ».
On zè d'accord qu'i gn'è pon d'si vilain
Quand c'est qu'i baye u qu'i brûtie su r'frain.
L'laid piyardeu, c'est d'hazard s'on l'cutchesse.
S'on spaugne do plomb o fisique po la tchesse,
C'est qu'i n'vaut rin po rin o tireu.
Jamais frimousse parèye n'luque lu mireu.
Nolu n's'agrinse du li, d'aver à s'plainde.
Il est tél'mint vicieu qu'i s'fait crainde.
Ses brimades.
Quant l'è fallu comme tortos s cantonne,
Il è tchoisi l'airadge po s'cutourné.
Rin d'mie por li qu'Hatrivau-ma-galotche.
Gn'è qu'o mau d'ées qu'i faut bin qu'il y lodge.
La plainne, les bouès, les rotches po z'y fé s'nid,
Sus djoque tchoisi, nolu n'irè l'bèni.
On l'ônz cwâquiè s'les bèyônles dins les fagnes
Du tot autour, inte Librômont et R'magne.
Sl'orire do bouès, l'oi do Borque et du Smu.
Lî fallot ça. D'ses tours, s'è sont cômus
Les bais r'lugeants qui n'ont ni ées ni pattes.
Rudes sucarbotes calourdées dins les flates.
Lu tchin et l'leu qui sont rar'mint fin crau,
Lu viadge vesseu, nareux compéres du Brau.
Gn'è même les vais qu'ont boèrlè tote l'année
Po qu'on s'angouche des flotches d'enne âme dânée!
Soite l'arradgrie des cornayes bas et hônt
Et q'là, tot près, les Borquins s'sont raclônt ?
Tos ont pile lu s'cour da Saint Hubert
Po qu'i survève les soleres fû d'terre,
Rôngyiant à l'air, battant l'ée conte lu vent.
Bougrus, s'tcherroues, du glumions s'ragostant !
Mèprige.
On n'comprind nin l'vî poète Lafontainne
Du fè r'luqué s'chônniard-là sus in frêne !
D'viquants o bouès, tortos è sont navrè
Du s'fameu tchant! L'fin conteu s'rot sbarè
S'ruv'not asteure, d'oyu les cwâquiries
Qu, t'avau-ci, dj'adèrans tote nosse vie !
Si Hatrivau s'è glônrifiè si hộnt,
Qu'i s'y calleuche, tot l'canton nu n'n'è s'sôn !
Mais si vut d'chinde, amitieu, servijoule,
Avu les plemes soyeuses comme do l'vivroule.
Dja l'rucirans, pa ç'qu'il est d'nosse payis.
Si valot d'quoè, i duvrot s'réjoui
D'esse lu règin do pus dou d'l'univer !
Mais i n'saurot, il est trop lucifèr !
Po l'corridgè, inte nos, dju d'vans conv'nu
Du l'mèzingnè sins dire dû ça l'yè v'nu.
I faut qu'on l'saye.
Su n'habitude, c'est d'viqué do l'maraude.
Tos ses voyadges combinés po la fraude.
Dins enne cabote, dj'y mettrans do poirè.
- C'est à s'rafiè du vèye çu qui s'pass'rè! —
Curieu, gourmand, d'au long, va vèye et sinte,
Après quéques tours, i s'dècidrè d'è prinde.
In'sondg'rè waire qu l'papie est collant !
L'bètche afoncè, s'laid visadge s'rè gluant,
N'y veyant pus, à travière do l'calote,
I s'aflirdg'rè po s'tirè do l'compote.
Là, l'dusplemè à l'fé d'mandé pardon,
Mais s'i crie co ainsi, sauvez-v', adon.
Sicrît e moes d' mâss 1932