Vî rônleu d'bouès
Vos qui rabiez tote la djournée
Afirdgè d'coches d'enne djonne virée,
Ascropez-vos, vî rônleu d'bouès,
Po lire quéque tchonse da Calozet.
Vos qui trovez vosse vie si dère,
- On v'vèt bouchè l'hivièr à père! —
Tot ça est s'crît, vî rônleu d'bouès,
Dudins les lives da Calozet.
Vos s'rez tot fiér du c'qu'i raconte
Qu vos viquez lu mîe d'au monde,
Même vôns sopirs, vi rônleu d'bouès,
Sont bin contè pa Calozet.
Perdez po rin les histônriettes
Faites po les ritches, poncès d'toilettes.
C'est vos l'pus bai, vi rônleu d'boués.
S'a pinse qu n'dit nosse Calozet.
Note Wikisourd
Scrît e moes d' djun 1933