Lu timps s'ragrigne, sus l'boès, i nive.
La flotchée tranne po s'adjoqué.
Lu cièr catouye et s'bônre lu life
Comme lu singlè dzos l'bouès flitchè.
Lu mantai pèse du s'faite pareure.
Mais l'vent l'cucheut et r'met à nu
Tos les houpies et l'sol asteure
Ruglatit d'bai d'esse si r'covru.
Refrain : L'hivièr rapoise la vie des aubes à l'choisse sin séve.
Tos les ougeais s'taigèt et s'vol'tèt po s' chandi.
C'est l'bon timps po l'boquion, sa hatche qu'avot fait tréve,
Rutaye avau lu spès co po ça d'puş s'clairi.
Lu boquion, o pid d'in p'tit tchêne,
L'adaume aux coisses po l'rinde fin rond.
I taye à rasse, sins r' prinde halène,
Si gn'è do l'nive, i quirre lu fond.
Ses cômps ainsi nu soyet waire,
Ni quand I'bouès craque sus s'bon mol lit.
Tint qu'i s'y plotte, l'ovri s' ranaire
A s'ruchourbant po můzè c'ei :
Il è va r'djonde su camarade
Po s'mette li deux autou d'in gros.
I vont l'abatte comme l'é dit garde :
« Nu nin d'bresch'lè c'qui I'ratairot ».
D'crawyeux boupies, tot l'rondinatche,
Dins leu baroles s'align'ront bin.
Pus, comme leu feu denne ruhapatche,
C'est po r'tchanté, todis contints :
Djusqu'à bin taurd à l'fine noireure,
Comme au matin, s'carmougenn'ront.
1 gn'è g'rin fé, zais, qu'i l'ont peure.
C'n'est nin d'laid timps qu'i s'ratairont.
Créchez don, bouès, s'mincez des djonnes,
Fgez la baitè, l'ombrire l'esté,
Po qu'à l'hivier ça vos ramonne
Ces gaiyes tchanteus v' ravigotè.
Juin 1936.