Djonsef, po z'è n'n'allè o.bouès,
N'sondgit nin à I'malette.
Po fé la voye avu Françoes,
E vite lessé ses guètes.
Tant mieu po s'pantalon! la faridondaine, la faridondon.
Li, on l'è bin garni. Biribi, à la façon du barbari, mon ami!
Les deux sossons, à z'ascaugeant,
Ont arrivé d'bonne heure.
Djônsef è dit qu'à marèdant,
I s'rint comme des seigneurs,
Qu'i l'aurint I'vinte fin rond.
Nin comme i sè muni !
Dré a'c'est sti timps d'allemè l'feu,
Djonsef prit des cochates.
Sins des bonnes sètches, i n'aurot seu.
1 broyinot enne miate.
Li, homme du précautions, Do côn ses rames ont pris.
Françoès li d'nit lu marabout
Po z'allé à l'fontainne,
Et l'aiwe pougée astot s' gout,
Dulez des covains d'rène !
N'est'e nin bin tot si bon ?
S'riz, don, pus nareu q'li ?
On n'vise nin près po fè l'cafè,
I s'vúde dins l'aiwe bollante.
Nosse Djônzef, du peure du s'côndé,
Quand la flamme est griyante,
E pris in p'tit baston
Po l'mantche su ralongui.
Ontrumint, P'rubatchè brulant,
I s'allot fè enne plaiye.
Et pus z'è s'paude bin la mitan
Pac'qu'i n'è pon d'eanaiye!
Bonne idée, su stiquion.
I s'chape, lu djusse rimpli !
Avu Françoès, co in p'tit côn,
I f'get djouè la r'cèpe.
Li, qu'avot foim, s'rafiot q'bintôn
Rapèpierot ses lèpes
Dupus a'pa in croston.
Qu'i s'continte du langui !
«Allons, disti, est'e qu di'yastans.
C'est bin l'heure do l'marinde?
Françoès ruspond : Dj'ème bin ostant,
Ça n'mu tire nin o vinte.
Mais pus q't'è si l'timps long,
On bouffré après c'ci.»
Djonsef, vèyez, f'rot letchot'mint
Avu c'qu'i pinse aver.
Clape ! La r'cèpe arrête sètch'mint
Dins sa voye, s'cottant l'ber,
N'é d'quère qui fé affront,
Lèye è dints et dgésis !
Djonsef, digeant qu'il avot d'quoè,
L'aurè t'i à crauwée?
« Françoès, disti, allons don toe.
Dj'vons fè la fricassée!
Tè l'pacawe, mi, l'crèton ».
Ça irè du c'tchônde-ci.
Riyou, i r' méttit les cômpons
Et f'git in lit d'bonnes bréches.
I v'lot fè fonde su laurd à fond,
Lu p'tit pot s'rot à rèche
Du bonne crache du djambon,
Qu'on s'rulètche avau-ci.
Sus c'trèvin-là, Françoès li dgit :
« Tu fais bin des affères!
Mi, dju n'ai pon d'rosti-boli,
Dj'ème co t'tostant do mèr,
Mais si l'crau est t'mawyion,
Gadrouye tu bètche ainsi ».
Françoès s'avot précautionné
Du sope à l'tchôndernette.
I la stiquit po la r'tchauffè
Dussus des fines brégettes,
A coiyant co, adon,
O règal du s'n'ami.
Djonsef, tint g'lônte machot s'tupin,
R'tournot ses camizoles,
Comme in vi r'naud manquant l'lapin,
I d'geot : « V'là auque du drole !
L'aidje lèyi à l'maugeon ?
Ma feume n'è d'quere du mi !
Wai, qu'i s'sovint 'tint qu'i d' gènot,
On li l'geot ses fadées !
C'est bin por li q'Zabeth ramm'chot
Li mette auque à s'n'idée.
Même qu'elle è fait mention
Du n'rin gougne c'côn-ci!
Djônsef, si vèt qu'il est mau pris,
C'est les ontes qu'è sont cause,
D'esse albônså, il est surpris
O'marinde nu s'rè nin crausse !
E t'i même in crochon ?
D'sa foim, qu'advairé t'i?
Françoès, vèyant qu'i s'tourmintot,
E advine la farce.
Comme les boquions l'fèget tortos.
Li d'git: «D'vant d'dire tes graces,
D'u pautrans ma ration
D'après tu n'appétit ».
Nov. 1938.
L’Ardenne fouyue/24
24
L’Ardenne fouyue, Impr. A. Duchêne, Libin,
O bouès