A l'sutroufflate
Lu premi d'tot à l'soyerie et l'dairain
A z'è sônrtu, Michél arquot pleinnes heures,
A t'ni s'lovradge. I n'su dusbot'not nin.
Su coirp, aux r'pas, su r'mettot d'ses gonfleures.
Fú do travaye, ça, causè, l'émot bin
Et du s'vantè qu'i n'fègeot pon d'tourneure.
Ainsi, lu coq d'ègliche, à l'rachofleure
Toune todi s'bètche et s'coirp comme l'air li vint.
Oh, mais nin li, da ! Jamais i n'brontchot.
L'avot ses hommes, c'astot ses camarades.
Qui. don, les sin'nes? i l'digeot à tortos?
Quand, lu dimègne à l'nute, enne sutroufflate
V'not pa l'pèquet, a'po rin, on s'cupitot.
Lu bon Michél nu lançot q'des ouyates.
Mai 1934.