Discours prononcé d'vant des milles dgins sus l'perron d'l'Hôtel di Ville pa tois r'paurlants da Marie po s' plainde à Monsieu l'Gouverneur et aux autônritès, duvant l'mariadge des gèants, à grand renfônrt de haut-paurleur.
L'premî r'paurlant, l'ci do Bouès-l'leu è avancé.
- Monsieur l'Gouverneur,
- Monsieu I'Président et membes do Comitè,
- Mesdames et tos les Monsieus, clame-t'i.
Vos èci co enne, wai, du c'tchônde-ci ! Marie d'Gobaye, qui nos è v'nu contè ses miséres, clape sa linwe, quand elle duvrot z'è drovu enne comme in tchausse-pid d'diche-hut sous !
Elle est stî si cômue et si d'journée du strovu d'in plein côn d'vant in gros monçai d'dgins afistolès, qu'elle nu n'n'è duv'nue tote paf, la m'vé ! Elle nos tchètche, don, do hottai du v'motivè sa plainte et du v'criè djustice.
Voci l'cayè sins tournè autour. Elle nos è dit à z'arrivant tote falie à Aurvaye, qu c'qu'elle avot à foute au nèz da Pancarou astot stritchant assè po l'fè volè la panse à l'terre et les quate fiers à l'air. « Satrée grande bardache, qu'on dirot z'aver créchu dins enn'atchènau !» è't'elle dit, lèye, qui n'est nin des pus p'tite.
Est'c vrai, Marie, aye u nenni ! Fègez seul'mint in signe, po qu'on sèpe tortos qu dju n'avançans rin do sins d'nosse tiasse… Bon. Vos vèyez bin q'Marie è des terribes rèvèlations à v'fè. Qu'on v'duscramie in pôn asteure çu qu'elle nos è rabrônziè tantoi.
Quand elle è sen cu qu'on tramm'tot voci, elle s'è affûlè bin vite après aver dusfait s'rozau, po z'y v'nu mette apaitchmint. Elle è, sacrèblu, montè l'gros bouès po r'trovu la route du Côndofays, pa c'qu c'est la pus augite et la pus sètche, quand on z'ê tot tûzè. Elle è passè pa la tchapelle do Tchèni do Mont, è dit s'Pater et s'n'Avé, sins r'protche, à Notru-Dame do Bon Secours, po z'aver su n'assistance et, quand elle è pontiè s'la Fraite et arrivè dulez l'ègliche d'Aurvaye, mon fi, les dgins ont avorrè d'lez lèye, sintant bin qu'i gn'avot enne maniganc'tè qui n'allot nin à Gobaye. I fallot qu c'soye co pus grave qu l'arauyatche du centainnes d'aubes sus la cresse du Gobaye pa in stron d'pourçai qu nuque nu n'n'avo jamais pon veu d'parèye du sa garce du vie !
Après qu'elle nos è oyu bônrè dins l'esprit do l'tiasse çu qu lî choyot, les chagrins qu'elle è triviarsè, l'affront qu'on li f'geot, et bin, choutez, nosse cœur è crevè à tortos et dju l'yans ruspondu, paujuleus'mint: « Dj'irans protestè aireus'mint avu vos, Marie. Dj'alertans vôns bons vègins d'Poèz, du Smu et d'Mirwau, po z'allè pailtè, tapadgè, ruprotchè o guerdin d'Pancarou tot c'qu'i vz'è griblè d'misères et d'chagrins.
Djustumint, dj'avans la tchance d'aver in bai drapeau unique au monde. Dju l'prindrans avu nos po fè in cortèche, saprichou des gates, qu Pancarou va djouè des pattes, s'il è peure d'enne wallée qu'il è tème des claus d'bute.
Dju cède la parole o r'paurlant d'Quoinn'tin, Léon Hérin :
— Et vos nos ci à roque duvant l'Hôtel du ville ! Dju l'digeans à tot l'tropai d'dgins qu'est voci. Marie d'Gobaye è des raisons trop pèsantes et s'clairichantes po qu dj'plinchent dotè l'timps d'avallè enne bonne golée, qu'elle obtairè, mônrdicus, çu qu'elle ruclame. I n'pônrot nin vali q'ca n'srot nin ainsi, nom d'in tonnasse !
Si, malheur des malheurs, elle advinn'rot, elle sintrot qu'on n'è d'quere du lèye. Jour de Dieu ! Et bin, mes dgins, çu n's'rot nin rin ! On mouss'rot quéqfie dins in trôn d'sèris po s'catchè ! Quoè savez, vos ôntes, après tot ? Volà, dju vz'advertichans. On n'è nin à fè à enne sucarbote, da, avu Marie d'Gobaye !
Trannez, vessez tot bleu, Pancarou, du c'qui put vz'arrivè d'affreu ! Dju n'dônrins nin in carrè sou d'vosse pai, vos ! Elle est feume à s' fè respectè, à vz'apicè pa les poèls du vosse gros cayi po v'trainnè et vz'allè enfondrè !
Dju l'savans, nos ôntes, les pus vîs, quand i lî monte enne lubie o cervai, çu qu'elle put fè estant en colére ! Henri Lejeune, po n'vos citè qu'in fait, avot montè enne baraque du saboties, don, li, dins la fagne, po z'esse mie qu'ônte paurt, lî avot-i sannè, djustumint d'lez la rotche du Gobaye.
Mais Marie è ruv'nu sus c'trevin-là et v'là, wai, qu'elle avize la hute, mon fi ! « Trés chamaus d'chalès pourçais, qu'ont v'nu gatè, profanè l'pus bai coin d'ma propriète d'sègneur ! Atindez, mi ! » fait-elle. Et v'là ses ouyes qu'on lancè comme des allemoires et qu'ont stritchè l'feu à l'baraque, wai, ainsi !
Vos comperdez bin, mes chérs amis do Bon Dieu, qu c'est apreme qu'elle è vônrè à tot l'monde si on n'l'acomptot nin ! Passe co po l'Pancarou qu elle li denne do fiè a r'toide, mais nos ôntes tortos, dju d'vans trèsiné ossi qu'on lî f'rot toirt à la rinde vergogneuse.
Est'c ainsi, Marie? Avez carbonisé la baragio pa l'feu d'vons ouyes!... Vos önz bin fait et a pus tonisa&no abize voci, nom d'inp'tit bolhomme pus dginti q'Pancarou | Vos n'è v'lez nin à l'geants Lisbeth, don, sel-on bin?... A la bonnoxeo e! Vos ônz raison d'la plainde, nom d'in tonnère du trains mau accraches, qui brouyet röns choutas du n'nin polu clônre enn'huche pa in r'elapa maniqué pa enne facelle.
Vôns atertènances avu l'Homme sont troublées à l'heure d'au-djourdu. Ça est drole! L'Homme coure à l'Lesse et la Lesse zoubèle oute du l'Homme po s'machè avu l'Nardai, do fait d'in saqué mariadgel Foutez vz'è.
I faut qu'on v'diche co, mes dgins, q'Marie est d'l'adge da Pan-carou. La Goche curè l'è assurè à ses p'tits èfants, don v'ci l'pus vi el l'pus coriace, nosse digne Président do I'Ligue des lum'cons d'dimen-tion, Henri Lambert, qu'è I'boque o minton. Elle leu z'y d'geot, qu'estant gamine, Marie d'Gobaye tournot l'viadge po r' fé les matchèrais et la hiquette. Elle avot lu s'cret d'in r'méde souverain qui parèchot prov'nu d'in spotchatche du lum'cons pindus dzeu in posson! Les méd'cins d'asteure n'on nin foirt l'air d'aver trovu mie q'ca.
Po la fè endevè, on brutiot, g'po la five-lente, elle n'astot nin foutue d'aver mie qu c'qui gn'avot d'rafachè, et, d'mèchanc'te, ses r'médes nu d'nint pon d'amidrance!?
C'est I'tour do r'paurlant do Tehènigeai, Jules Lejeune, asteure: - Vlez bin r'marque, Monsieu I'Gouverneur, lu bai lum'con peinturlurè pa enn'artisse du Saint Hubèrt, Monsieu Hector Nemry. N'est'e nin viquant, ça? Lu trovez bai, vos, Marie, qu'est bramint des côns la pus vie do viadge? ...Ça va, jourdenée!
Et dire qu e'gailliard-là, qu'est si foirt et si spitant, astot pris comme les pus molliasses du sa sônrte, don, qui soffrint awarrémint d'leus vègins, Borquins, coucous, coirnayes, piètris, tchins et leus, dialle ni tos les tchessens! C'astot maqué, tchaque, r'naquè sus enn' ete du douceure et d'tot c'qu v'p'lez vz'imaginè d'pus tinre et d'pus sin. tiveu, si vos n'oisez dire tchaquiace! Ça l'yallot long dins l'cerrai, v'sentez bin, comme à Marie d'Gobaye, d'esse mau considèré et du s'saver si fel, ma frique!
C'est po ça, Monsieu I'Gouverneur, et totes les dgins bin tournees et afistolées qu djèmins d'profitè du e'belle fiasse-ci po mostré pa I'tableau qu'on z'è flahutè des mentries o sudget do lum'con. Qu reu-nion-ci put amidrè les rapônrts inte les dgins do canton. On n'aurè qu'à s'raprotche do caractaire do vai, don l'lum'çon nus plaint g'des r'culades et d'ses trisses boel'ries quand les boutehis do Borgue les martyriset avu leus tehins. Vos l'onz oyu pus q'nos, vos, don, spè dire!... Mais v'n'astez nin r'mettue? Vos allez fauwi? Maria! Habie in méd'cin! Entonnez-li enne gote! Quê mal pètche et co! N'soyez nin fonmitche, digez, Marie!
Monsieu l'Gouverneur, dju v'rumercians d'avance du c'qu v'frez po Marie qu df chèrichans. Dju r'mercians ossi l'assistance du nos aver leyi paitè, v' fé arradgè à hurlant voci d'façon qu'on l'oyeuche oute du Palogne, du Berthaumont et d'Fausses-fontaines.
Ça nos fait espèrè qu nosse t'opusition est trovu foirt raisonnabe du u'nin vzaver rudinguè. Lu gèant Pancarou s'rè puni avu djustice el misériconrde.
Achève, toè, lu r'paurlant do Bouès-l'leu. Fernand Wavrèye déclame çu compôsition-ci, da sin'ne : - N'est-c nin enne belle conclusion. Monsieu l'Gouverneur d'Erlon? I faut bin q' ça vaye aınsı, Ontrumint, c'est mi q vos I'dit, Dj'èr'irins do côn o viadge. Les dgins s'rint pris d'enne belle radge ! A l'bonne ville du Saint-Hubèrt, Dju li dèclarrins la guèrre ! Vos vairiz tos les lum'cons Mawye tot I'grain do canton ! Dju gangn'rins sur la bataye Avu nosse Marie d'Gobaye. Ca, même qu dj'aurins des moirts, C'est co zais qui s'rint l'pus foirt! Tos les ci qui pirint d'sus, S'rint sûrs du vollé s'leu... hem ! Dị'ai fini, qu'on su l'tègne dit. Monsieu l'Président lance enne vète sumonce à Pancarou, rind Aurvaye prind paurtà l'fasse. djustice à Marie, qu'accèpe lu mariadge du l'infidèle. Sins rancune. tortos, po marqué la bonne entente : C'est Adriyen Bataire, foirt bon tènor d'Aurvaye lu premi d'vant Ravize l'bai (air : Dragons de Villars). Et pus, c'est lu p'tit Louis Léonard qui tchante : Rêve d'efant. Volez, belle horonde (air: L'hirondelle est partie).