Quand dju rintrit à l'cassine, dj'astos si canè, m'fi, qu'on m'aurot bin stoirdu po l'frèchai d'enne crausse sope. Ça fait q'nosse patrone, don lèye, taurdie pa sa manie d'canlè, sins sorvyèe ma bwée si gotante, m'digit d'habie r'allemè l'feu. D'enne façon, s'comand'mint brutal astot djusse. Lu fagot dressè à l'coine do merai, dju n'ai oyu qu'à prinde quéques cochates et les stinde duzeu des bréches morantes. Avu la chofflate, dju l'ai ravivè, rumette des grosses coches et r' choflè comme in dusterminè marchau, mi, si pressè q'dju l'astot po m'rusètchi !
Ascropu djondant l'feu, dju n'è p'lot rin, s'à c' place-là, gn'è oyu enne pichée ! Nosse cwâye vorrot po sa potée, binauche du vèye suclairi l'feu si vite. Elle pindit l'pot o crama. Sus rin d'timps, i fuchit atourè d'flammes et mi d'vapeure. Waire vèyu ainsi, dj'allit m'rucandgè. A rintrant, ma dônrlainne mu f'git des r'protches o respect do potai ! Mai, mi, do côn : «Ai, là, vos sins'resse, qu dj'digit, po vosse marinde,
Dj'ai sti sôndar à Nameur. Djè tirre goire et honneure. On m'digeot v'lettie qu'i gn'avot pon d'si gaiye cavalier q'mi dzos la calote do ciél du c'trôn-là ! Même qu l'marchau-d'lodgisse, — qui n'riyot jamais q'do gros des dints, — m'arin-not et sayot du m'fé dâminè tint qu'on marèdot à l'tchambrée.
Ça fait qu'in djou d'dépadtache, à d'vè onze heures, vos l'ruci co qui vint m'dumandè quoe'c qu dj'fègeot à nosse maugeon qu m'fournimint blinquot si bin ? « Je fais in peu de t'tout, ditche-mi, carrémint. Ce qui est pendu, je l'duspend. Des mwaiches boutèyes, j'en répand. Je m' tiens au ragoustant. C'qui est trempé, je l'met soué au vent. C'qui s'cache à l'dresse, je l'retrouve en santant! En l'remettant aux ridans, i r'est d'dans. Et en d'sous d'l'armoire ? disti, to glorieu. C'est l'tchet qu'y va », ditche mi tot si vite.
Djustumint, dju tape mes ouyes à l'tchamme d'à costè pa l'huche lauspi, po lûrtchè à coirnette. Mais dj'avise, sacrebleu, lu cap'tène qui v'not doit sur nos par là ! Oh, ça, dju n'fais qu'in sônt o pid du m'lit. Doit comme in pachon sins ployeure, la doite moin po l'salut militaire, dju criyit aireus'mint: « A l'orde ! » Si vz'avîz veu lu p'tit chef s'esquivè et lz'ôntes su mette en pônsition, Seigneur ! Ah, nom di chtouffe,
L'ônte djou, i gn'avot in rassembel'mint du dix mille vèraus d'vant in staule qu'on z'y oyot boèrlè. Po des tradjudies ainsi, dju n'saurot d'meru coi. Aye dadaye z'y couru, mais po z'y poirtè s'cour, mi. O staule, c'astot l'gros bû qui s'cutapot s'l'ensenne, comme s'il aurot oyu l'misèréré, ca c'n'astot nin bin sûr avu la leuve et la cocote qu'il aurot monnè enne vie parèye ! I drovot la gueuye, i bavot, battot des pattes et do l'cawe, qu c'astot à zè prinde pitié-misèricônrde ! On v'lot l'solevè pa l'gros do l'cawe et les coines po l'rumette sus pattes.
« Dennez'm vèye ça, qu dj'clape, d'in ton bref du c'mandeu, sûr du li tot seu. — Qu'y f'rot'c bin, ai, ti ? sindge in curieu boquè. — Dju f'rai tot d'même pus q'ti, aqnaye! » qu dj'réplique, fin mwais. Tél qu vos m'vèyez, dj'ai d'l'audace et dj'n'ai nin foid aux ouyes, pari ! Sins pus du d'visse, dj'avance d'lez la tiasse do bû qui f'geot si laid'mint. Dju m'bache, à r'poussant les deux nanasses qui s'fègint c'toide à v'lant r'dressè la biasse. Ça m'vins à l'idée do l'tiasse, ainsi, comme enn' èclèr qu, dabônr lu bû boèrlot, c'est qui s'trannot, et dju l'foisse à m'lèyi waitè dins s'n'entonnoir du pourçai, respect d'paurlè.
Dju duscovrit, l'coiriz bin, auque qu'i m'è sannè z'esse in coirdai dins la cheume, fernoqué aux dints et comme in ravôntion au dialle après l'gozie ! Ça m'è paru infernal, waitez ! Dju stiquit m' pougne dû ça m'sannot z'esse in stopa d'batche et dj'l'apicit qu'i fallot qu'i vègne u qui craque ! Awai, biesses du dgins, qu dj'hatche in caribôndatche qu sus l'momint, dju n'aurot seu spécifiè. « Oh, dit la pus belle bvaissalle do l'maugeon, c'est m'fin nû vantrain ! Dju m'ai fait fine sotte après. Dju l'avot stindu po l'russouwè s'les palis ! — Tènez, vos l'ruci bin striyè, mam'zelle, qu dj'digit, mi. Vos n'rovierez nin vos aver rindu rosse trèzôr afondrè, quand di'vairai à l'chîche! Quoè avez à rire du m'n'espoir ?
Enn'ônte des côns, voci comme dju m'ai co fait valu, sins l'volu du tout, wai : Ç'astot à l'piquette do djour. Lu solai n'avoyot q'la fine premire aireure. Dju m'avot levè qu'i f'geot co spès à l'tchamme, sintu après mes moussmints pindus o pid do lit, y herrè mes djammes et mes brès sins m'trompè, do fait q'd'jai d'l'allûre à tot. Comme i f'geot frisque au matin, dj'avot tapè habie enne vie camizole sus mes spales po z'allè fautchè in sètche près à l'rozée. Ma fau astot battue do djour du d'vant et m'buè prète. Dju n'ai oyu qu'à les d'cloupè fû do l'grègne avu mes batt'mints po foute mu camp m'cutapè.
C'astot conv'nu qu'on m'apoirtrot à dgènè duvè sept heures, nu l'roviez nin ! Et vos m'là voye, bin rèzolu. On z'oyot les coqs qui s'ruspondint s'les pautches, vu qu'i p'lèt sônrtu fů des nanches pa la bawète do dzos d'l'huche do staule, tot bai bel'mint. In tchin bawot, comme po m'ruprotchè d'esse enn' humain trop timpris. L'air nu branlot nin, hodée d'aver sutî bousculante et caus'rasse lu djou du d'vant.
Dj'astot tchaussé du bonnes grosses galotches. Elles clapint s'la voye qu t'aurot djurè qu'on bouchot s'la d'vantere des maugeons qu dj'passot. A paurt mi, dju m'digeot esse in fameu rèvèye fû do lit! Et dj'oyot l'tchin bawè langoureus'mint.
N'avize t'i nin qu dj'vèt montè do l'femire duzeu in calibostai ! « Ah, nom d'enne pipe! » ditche, tot fû d'mi même, et v'm'y là bizè. Tot mér seu, dj'ai du'nu maisse do feu augimint et alèrtemint. Ç'astot des tchôndes sennes vûdées dins in tchèna po fé la bwée qui s'ravivint s'les sètches chinons !
Les dgins du d'là, qu'ont oyu l'vacarme qu dj'fègeot quand dj'courot, ont avorrè d'lez mi à panaicu ! C'est zais qu'ont clamè :
Si saquwants côns on s'dustrappe d'amacral'ries, d'aveuguell'ries, d'laides amantchries, d'abardaq'ries, d'cafougn'tries, d'astoq'ries, du bizarries à stirè rie, mes dgins, c'est d'tchance, et
Sicrît e moes d' måss 1939