Aventurie
Vî aperdisse, dj'ai d'quoè à corridgè,
Fin peure qu'on vègne pâr mu duscoradgè.
Mais l'féminin prolondg'rot même lu laur
Po m'fé haurdè la gangne aux fleures et tchaure !
Scrîre comme on l'cause, on pièrd à trop boudgè.
Waitez l'bon soiye, l'van seul'mint l'e d'tcherdgè
D'totes les nichtès do labeur et do saur.
Mi, q'nosse wallon n'è passionnè q'sus l'taurd.
A mes bons maisses, des fautes, dg'è d'mande pardon.
Dj'ai fait des gaffes. Lum'con, dû c'qu t'lance, don ?
Mointes - mu mostrant - ont sti voyè pleins d'flotches!
« D'contes et d'imaudges, ça îrè, ai ! m'digeotche
Bernè, m'plan est d'mette en branle tot l'canton,
Afin q'mes lives rulûginchent pa des r'protches.
Note Wikisourd
scrît e moes d' fevrî 1944