Ewe qui spite
Ewe qui stritche
Ewe qui tchitche
Fû dès pîres du-d-dulé l' choûrdant
Ewe du-d-dû qu'è sté fwêt
T'tafwêt qui vike, t'tafwêt.
Ewe qui sûne
Ewe qui zûne
Pou la lune
Qui r'glatit s' la twâye du l'ètang
Ewe qu'anêwe
Ewe qui rêwe
Ewe qui sêwe
Lès courtis, lès prés èt lès tchamps
Et vos saurez co pou vosse gouvèrne
Qu'i faut toudi laire couru l'êwe à valêye
Ewe qui choûrd
Ewe qui coûrt
Ewe qui moûrt
Dins la grande êwe du l' mér du Coûtchant
Ewe du-d-dû qu'è sté fwêt
T'tafwêt qui vike, t'tafwêt.
Ewe qui spite
Ewe qui stritche
Ewe qui tchitche
Fû dès pîres du-d-dulé l' choûrdant
Ewe qu'anêwe
Ewe qui rêwe
Ewe qui sêwe
Lès djins, lès biêsses èt lès plantes.
Et vos saurez co pou vosse gouvèrne
Quu c'èst toudi l'êwe qui dwâme qui nèye.
Ewe qui sûne
Ewe qui zûne
Pou la lune
Qui r'glatit s' la twâye du l'ètang
Ewe du-d-dû qu'è sté fwêt
T'tafwêt qui vike, t'tafwêt.
Ewe qui choûrd
Ewe qui coûrt
Ewe qui moûrt
Dins la grande êwe du l' mér du Mitan
Ewe qu'anêwe
Ewe qui rêwe
Ewe qui sêwe
La crèsse, lu tiêne èt l' djondant
Et vos saurez co pou vosse gouvèrne
Qu'i gn-è d' si clére êwe qui n' su broûye.
CW 1988 p. 179; replaidî dins l' « Avenir du Luxembourg » (coirnêye « Quand djè n' saîs rin, jè m' tâs »).