Lès bièsses malades du colora-môrbus′

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Ortografeye do scrijheuRifondou walon.
Dalaedje.gif Cisse pådje ci est co e tchantî. Ça vout dire k’ èn uzeu boute co dsu et k’ i s’ pout k’ i manke co des bokets.
Lès bièsses malades du colora-môrbus
rortografiaedje da Lucyin Mahin, e Feller
2020

In mô qui fout l’ vèsse à lès djins
Què l’ Bon Diu dins in mwés momint
A invinté po puni tous nos p’tits côps d’ djon.nèsse,
Èl colora-môrbus, mot qui vos fét frumi
Pa quî ç’ qui l’ cimintiêre ôrè sti rade rimpli
Èstèt tcheû su lès pôvès bièsses.

I n’ crèvint né tèrtous, més tèrtous ’stint djondus,
Il avint l’air si byin pierdus
Qu’i n’ cachint né seûlemint, à s’ souladjî ène miète,
Et il estint tèrtous à l’ diète !
Lès R’nôs n’ montint pus leû plans,
Pou dèsplômer lès crassès pouyes !
Lès Arondes foutint leû camp
T’tossi pèneûses què dès Guèrnouyes !

(…)