L’ôte, avou s’ grande faus
L’ôte, avou s’ grande faus,
M’a v’lë sorprinde, aunawaîre,
Dj’avo jës′ rintré les tch’vaus,
Së l’ côp d’ doze eûres, en plin prandjêre.
N’avot cénq chames dins l’ bègnon,
On pindë, on-aksëdinté,
On gros mènîr, on makëgnon,
Mins on n’ s’a waîre anté.
L’prëmi a dët ː « dj’ènn’ a-st- assez »,
Lë deûzyin.me ː « c’èst ni dë m’ dëfaute »,
Lë trwèzyin.me ː « c’èst seûr one praute »,
Lë quatryin.me ː « qu’a-dj’ co scroté ? ».
Ë m’a choné drole dè yèsse vaîlà,
Qu’avo-dj’ à paurtadjî avou cèt’-là ?
Ni one, ni deûs, dj’a zoupelé së l’ vôye,
Sins ratinde qu’on m’rinde më manôye ǃ
Përdoz-l’ po ç’ quë ça vaut,
Dj’a p’tète yë dè l’ chance,
Mins djë l’a yë pa l’ panse
L’ôte avou s’ grande faus ǃ