Djë m’è sovén
Djë m’è sovén … Oyë djë m’è sovén …
Dj’a one grosse cloke, findoûwe,
Quë bardouchîye dins m’ tièsse.
Djë n’ l’ètind pus tchaweter,
Ni sès-aîrs dë mësëque.
Dj’aro bén m’ tièsse quë toûne …
Ratindoz : ça m’ë r’vént !
Èle dëjéve,… èle më d’jéve…
Èle në d’jéve rén, djë pinse !
Èt më, djë bèrdèléve,
Djë priyîve po on bètch,
Djë bèrdèléve sins fén,
Po qu’èle më rapaujîye.
Èle më savot rabrèssî,
R’mète nos cayèts a place …
Mins l’ cloke quë bardouchîye
Dins m’ tièsse èst bén findoûwe …
Oyë …, djë m’è sovén …, djë m’è sovén …