Esse vierné

Èn årtike di Wikisource.
Pierre-Joseph Proudhon
Esse vierné
« Être gouverné »
ratournaedje da Èl-Gueuye-Noere
Scoûtez Èl-Gueuye-Noere.

Esse vierné

« Esse vierné, c’ est esse erwaitî-a-voye, rilevé, awaitî, manaedjî, ledjiferé, erîlé, pårké, catrucimé, pretchî, corwaitî, préjhî, ricnoxhou, tchapné, kimandé på des djins ki n’ ont nén l’ tite, nén l’ syince, nén l’ moråle…

Esse vierné, c’ est esse, a tchaeke operåcion, a tchaeke vindaedje, a tchaeke mouvmint : noté, eredjistré, rcinsî, tarifé, timbré, twezé, flåzé, cotizé, påtintî, foyou, otorijhî, apostiyé, admonesté, espaitchî, erfôrmé, ricresté, coridjî — çoula, sorlon zels, sieve å peupe.

Et, al poûssance djeneråle : esse metou a contribouwaedje, travayî, rinsomé, espweté, monopolijhî, disforvoyî, stoirdou, kimoenné, evolé… 

Pu, a tchaeke edurance, a tchaeke redivaedje, a tchaeke rideulaedje, a tchaeke plindaedje, esse shoflé, amindé, disgueuyî, adayî, rcwerijhî, mastiné, maké, dizamonucioné, garoté, egayolé, fuziyî, raidjreyî, djudjî, codåné, dispoirté, ofri, vindou, racuzé, yeyet padzeu tot, djouwé, balté, afronté, dilaké.

Vocial el govienmint, vocial li djustice, vocial es moråle !

Et dire ki sacwantès djins roci, c' est des democrates ki pretindnut k’ el govienmint a ene sacwè k’ est bén : des socialisses ki sopoitnut cisse måssisté la, sol no del Liberté, di l' Ewalisté eyet del Fraternité ; des proletaires, ki scrijhnut leus candidateures po divni prezidint del Republike !

Toursiveusté ! »