Su l’ fin dès-anêyes « 60 », in djon.ne tchanteûs èspagnol cumèçot à fer causer d’ li ou payis dès martchands d’ musique. I ataquot ène montêye qui l’alot mon.ner jus-qu’à l’ fine coupète du l’ chaule. C’èst après Julios Iglesias quuu dju ‘nn’ai.
Yink du sès prèmîs bokèts, i l’avot scrît dins s’ patwas du l’ Galice. La Galice, c’èst-st-in pétit racwin d’ l’Espagne, quu nôs tayons du Moyin-Adje — dins tous lès cas, lès mwin.nes èt lès sègneûrs — couninchint bin, ou mwins′ d’awè oyu causer, ca ç’astot l’ payis du pèrlinadje du Sint Djâque du K’postèle.
Su l’aîr da « Un canto a galiciaë » (ène tchanson a galician) vouci : « ène flauwirète a wa-lon ».
Ene flauwirète a walon
Mi qui v’ conte flauwe, flauwiron
Ene flauwirète a walon
V’là quate vèces ou posson.
Ene flauwirète a walon
V’la bin l’posson qu’èst trawé.
Timps qu’ dju v’ conte flauwe, flauwiron
V’là quate vèces à vosse nez.
I.
Flauwes pou z-anoncer l’ timps
Du l’ sumwin.ne qui vint
Sabay s’il èst pou plûre
Ûdon qu’ dju vons cûre
C’èst Sint Mèdârd
Lu grand pichârd
Sint Bârnabé
L’è rabout’né
In vèrt Noyé
Pou dès blantches Paukes
In blanc Noyé
Pour dès vètes Paukes.
II.
Flauwes pou lès p’tits-èfants
Choûter come dès vayants
Ca gâre ou Pére Fwatârd
A l’ binète toute nwâre
Pépé Crotchèt
Qui trin.ne ou fwè
V’s-atche dins l’ potê
Et s’ vous-î laît
Wê lès gofins
Griblés d’ lumerètes
Dju n’ vous voye nin
Tinde aux lurcètes
III.
Flauwes pou lès-omes mariés
N’ nin n’nn’aler trin.ner
Coumére su tchandje a tchèt
Si l’ Djâle tint l’ pot drèt
A Badjimont
Sont tourtous sôs
Sô fwait bribeûs
Qu’aurè dès peûs
Lu nwâr tchin qui
V’ sît toutes lès chîjes
C’èst la gârce qui
V’ tirot sa tch’mije.