I.
Mes dgins si djé l'humeur chagrine
Si djé del peine yet du tourmin
C'est qu'em pètit' gate Djosephine
Est crevée ahier au matin
Dje cru r'cevoèr un coup d'massue
Yet dje brai tout come in èfant
Quand djill' lai trouve là stindue
Din l' coin d'no r'miche in m'erlevant.
REF.
Non dje n'ell viré pu
M' petite gate adorée
El bon dieu l'a volu
Josephine est crevée
II.
C'estout vraimin n' bonne pètit biesse
Dji r'voè co ses is tout luyant
Qui m' ravisaient plein d' gentillesse
Quand dje d'allou l' mene a tchamp
Doulà, achi dedins l'pature
Dje caressou s'tiesse dins mes mains
Yè liè l'paufe petit' creature
Elle merletchou dè contintmint
REF.
III.
Dje sougnou si bi m'petite gate
Que m'feume astou d'jalouse souvint
Elle me dijout m'til dins d'elle ouate
Yè signi leu nos testamint
Mais tout ca c'est des ravaudadjes
Eyè si d'em gate d'jestou sot
C'est qu'avè lie jamais d' ramadje
Jamais d' grognon ni d' coups d' sabots
REF.
IV.
Josephine estou si gentille
Qu' don' serou ni l'roublyi
Dje l' considerou d'el famille
Tellemint que djè l' veyou volti
Ye dins no cince vos pouvi l' croëre
Pou vo prouvè qu' nos ston d'bauchi
Nos n' avons fè qu' dire des prières
Pou qu'elle s'invoye au paradis
REF.
Papîscrît trové a Pouphan.