Djins u bièsses ?

Ciste ouve ci egzistêye eto divins ds ôtès ortografeyes : Feller (accint d' Transene).

Lucien Mahin

Djins u bièsses ?

Li r’fondu walon : lès pondants èt lès djondants (tapuscrît), 1993

Djins u bièsses ?

(Pôves nos-ôtes èt lès tchins d’ tchèrète)

Pôves nos-ôtes,
Lès tchins d’ tchèrète
Èt lès fèmes a biciclète

Pôves nos-ôtes,
Quand bwale l’ S.S.
Èt qui l’ vîye n’ våt pus one vèce

Pôves nos-ôtes,
Lès couchès d’ bègnon
Èt lès zwâres dès pôves nåcions

Pôves nos-ôtes,
Lès Djwifs o for
Èt lès p’tites coméres qu’on c’fore

Pôves nos-ôtes,
Lès tchins d’ tchèrète
Èt lès gades a biciclète

Pôves nos-ôtes
Djwifs à roviète
Èt lès tapeûs d’ pîre qu’on spète

Pôves nos-ôtes
Lès couchès d’ camions,
Lès djon.nês qu’on mine o front

Pôves nos-ôtes,
Lès djins d’ l’ Hèrzèg
Èt lès moslimîs qu’on spète

Pôves nos-ôtes
Lès tchins d’ tchèrète
Èt lès fèmes so les crupètes

Pôves nos-ôtes
Sèrbes sins brayète;
Fème qu’on c’chère dirî l’ crupète

Pôves nos-ôtes,
Nos-ôtes, djins !
DJINS ?