Dj’ ê des tchfaus a l’ maizon eyet dj’ ê acaté deus ectâres di pachî pou mete mes tchfaus. Eyet dj’ ê acaté in tracteur, in jirobrwayeur, ène bariére. Dj’ ê fait mes clotûres mi-minme. Eyèt dj’ su bîn contin. Dj’ su chèz mi. Dj’ ê mes tchfaus avu mi.
Eyèt dji monte co a tchfau asteure. Eyèt normalmint, djè voyadje avu deus tchfaus. Nd a yun ki m’ porte et yun ki porte mes bagâdjes.
Eyèt djè saye dè n’ nîn fèrer mes tchvås ‒ c’ est meyeu pou yeusses. Eyèt djè les met des tchaussûres espéciales pou les tchfaus. C’ est l’ nouvèle môde. Mins c’ est bîn complikî paskè, au dèbut k’ ça a cominchî, i d avout cate cink sortes dè markes dè solés pou les tchfaus. Eyet, mètnant, i nd a bîn vint-cink sortes. Et ça put ariver kè, a in tchvau, faut ène marke a l’ avant, ey ène ôte marke a l’ ariére. Eyèt c’ est bîn complikî. Èt cand on cominche, el pî chin.ne des fwas a s'-n avant. Il astout fèré et il est disfèré. I n’ fonccione pus normalmint.
Eyèt les tchfaus nîn fèrés vîftët pus lonmint kè les tchfaus fèrés. Pask’ on dit toudi ki les tchfaus ont cénk keûrs. Dd a yun doûci èt dd a cate dins les pîs. A tchake fwas k’ el tchèvau met el pî a têre, ça fêt pompe. Èt l’ song rmonte. Èt cand l’ pî est fèré, ça marche co in pô, mins nîn brâmint. Eyèt l’ keûr doût grossi po comincĥî, èyèt l’ tchèvau vît mwins lonmint.
lî ås scoles di Bive (scole påzès scolîs) li 12 di nôvimbe 2024