I.
Vs araedjîz k' les Amerikins
Moennèt nosse Daegne al sicoreye;
Et k' les efants des Filistins
S' ont fwait dzindjner dins ene touwreye
Vos vôrîz ki ttafwait candjaxhe
Udon ki vosse tiesse on côpaxhe;
Distinkyîz,
Matî !
II.
Vos araedjîz so l' mannixhaedje
Des aiwes, et pus d' l' air, ey eco ;
Et s' dagouner sol forflaxhaedje
Di stindêyes di bwès pattavå.
Vôrîz k' nosse tere, on respectaxhe.
Et k' nos patrimoennes, on wårdaxhe;
Distinkyîz,
Matî !
III.
Vos araedjîz k' les waloneus
Sont ki s' kidjåzèt d' onk a l' ôte ;
Ki so ç' tins la, les franskineus
Makèt l' hanete a onk et l' ôte
Vôrîz k' il overrént eshonne
Po ki l' walon, måy, on n' sitronne;
Distinkyîz,
Matî !
IV.
Li Bole toûnrè co bén sins vos;
Li çmintire n' a nou dandjî d' vos ;
Et si vos vôrîz fé l' fén d' vos,
On bea etermint, et ç' srè tot !
I våt mî ene pitite boutêye
A totes les tcheretes ki vos djhoz
Ki di s' draener et s' forbouter
Et ki l' foyeu d' trôs vs åye sol dos.
Lidje ni s' a nén fwait so on djoû !
Cloyoz vos ouys divant l' sordjoû !
Li chamo mousse på trô del djusse
S' on l' cotaeye a bokets tot djusses.
Cwand c' est ki vs racatuzez pår…
Ridistinkyîz,
Matî !
Cwand c' est ki vos vs ricôrcyîz pår,
Ridistinkyîz,
Meliye !
Sicrît avou èn adrovaedje e francès eyet on spepieus motlî walon-francès cial so l' Aberteke