I.
Z-arèdjoz k' lès Amèrikins
Minèt nosse dagne al sicorîye;
Et k' lès èfants dès Filistins
S' ont fwêt dzingné dins one toûwrîye
Vôrîz ki totafwêt candjache
Ûdon ki vosse tièsse on côpache.
Distinkioz,
Bruno !
II.
Vos arèdjoz so l'anichtadje
Dès êwes, èt pûs d' l'êr èy èco ;
Et s' dagouner sol forflachadje
Di stindêyes di bwès pattavå.
Vôrîz k' nosse tère on rèspèctache.
Et k' nôs patrimwinne on wårdache
Distinkioz,
Bruno !
III.
Vos arèdjoz k' lès waloneûs
Sont ki s' kidjazèt d'onk à l ôte ;
Ki so ç' tins là, lès rfrancîjeûs
Makèt l' hanète à yonk èt l' ôte
Vôrîz k' il ovèrrint èchon.ne
Po ki l' walon may on n' sitron.ne
Distinkioz,
Bruno !
IV.
Li bole toûnerè co bin sins vos;
Li çmintîre n' a noû dandjî d' vos ;
Et si vos vôrîz fé l' fin d' vos,
On bèl ètèrmint, èt ç' sré tot !
I våt mî one pitite boutêye
A totes lès tchèrètes ki vos djoz
Ki di s' draner èt s' forbouter
Et ki l' foyeû d' trôs v's-åye sol dos.
Lîdje ni s' a nin fwêt so on djoû !
Cloyoz vôs oûy divant l' sordjou!
Li chamau mousse po trô dèl djusse
S'on l' cotaye è bokèts tot jusses.
Cwand c'èst ki v' ricôrçoz pâr,
Cwand c'èst ki v' racatûzoz pâr,
Ridistinkioz,
Bruno !
Sicrît e moes d' avri 1994