Li dame di scole d’a Ti-Pôl qu’è-st-èle pitite sicole, såye di lî tchåssî sès botes.
Èlle ènn’a dèdja tchåssî eune èt l’ôte n’a nin l’êr dè voleûr moussî.
Li dame sètche ‘tant qu’èle pout èt Ti-Pôl tchoûke tant qui vout mins c’èst fwért målåhêye di rintrer.
Après bråmint d’fwèce èt d'souweûr, lès botes sont mètowes.
Ti-Ppôl dit-st- adon al dame di scole : « Èle ni sont nin å bon pîds ! ».
Li fème ni rèy pus, èle hagne so s’ tchike èt s’atèle a lî bodgî sès-èmacralêyès botes.
L’ovrèdje po l’ zès bodjî è-st- ossi pés qui po l’zès mète.
Après ‘ne dimèye eûre di lêd ovrèdje, lès botes sont bodjèyes èt r’mètowes èt c’èst ç’ moumint là qu’ Ti-Pôl tchûzi po dîre a s’ maîtrèsse : « Ci n’èst nin lès meunes ! » èt i contineuwe tot d’hant : « c’èst lès cisses d’ a m’ fré, mi mame m’èlz’a d’né pace qu’èle ni lî vont pus ».
Èt l’ dame di scole ritroûve on pô d’ påhûlisté.
Èt come c’èst l’ivièr èt qui fêt freûd, èle dimande a Ti-Paul wice qu’il a mètou sès wants èt l’ gamin d’ lî respond : « È fond d’ mès botes po n’ nin ‘lzès piède ».
rimetou cial come evoyî på scrijheu