Bijhe et solea

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Ortografeye do scrijheuFeller-Léonard.
Li bijhe et l’ solea
rortografiaedje da Lucien Mahin, e rfondou walon
2020
Bijhe et solea

Bijhe et solea estént e bisbisse dispu lontins po sawè kî çki, di zels deus, esteut l’ pus foirt.

Arive on monsieu, foirt bén metou, resseré dins s’ noer paltot.

I convegnnut ki l’cia ki, l’ prumî, disbotrè ‒ ou frè disboter ‒ l’ ome, serè rconoxhou come li pus foirt.

Bonzè roed, li bijhe s’ a metou a shofler, a shofler come li bijhe li sait fé cwand ele s’ î mete ; mins, pus foirt ele shoflait, dipus est çki nosse bråve ome si ressèréve dins s’ mousmint.

Al fén do conte, å dbout d’ ses foices, li bijhe a rnoncî.

Adon, li solea s’ a metou a rglati et a tchåfer, a tchåfer si télmint foirt, ki nost ome, ki n’ aveut pus on pwel di setch, a roisté s’ camizole et s’ mete e purete. Li solia aveut wangnî s’ wadjeure.

Tot conté et tot rabatou, li bijhe a bén stî oblidjeye di rconoxhe ki l’ solea esteut bén l’ pus foirt !

Note Wikissourd

Ci tecse ci a stî scrît anonimmint ey eplaidî sol mape del Beldjike del waibe do Djåzant atlasse éndjolike des lingaedjes di France et d’ pattavå å pont « Jemeppe-sur-Sambre », onglet « Feller-Moustî » ; l’ ovraedje k’ on dit est metou dizo libe licince al såme nén comerciåle (Creative Commons Attribution-NonCommercial-ShareAlike 4.0 International License). Ci rmetaedje ci e rfondou est l’ ouve da Lucyin Mahin.

Li tecse a stî eredjistré e 2020 dins l’ prononçaedje di ci scrijhaedje ci, k’ est rschoûtåve ciddé.