Cit-annéye ci, nos-alans adjancener une bate di mots walons qui poûrîn’ yèsse ristitchîs è l’ français dè l’ Walonîye.
Vos-î p’loz prinde paurt, tortotes èt tortos, qui ça fuche tote seûle ou tot seû, ou co bén avou dès soçons dins lès scoles ou lès tauveléyes di walon.
Cit-idéye là, c’èst d’ waîtî à ristitchî saquants mots d’ walon dins l’ françès dè l’ walonîye. Come di jusse, ça ècoradjerè lès Walones èt lès Walons à disclitch’ter lès vîs mots, – todi bin vikant – dè l’ racène di nosse prumî èt vî lingadje : vinu à pîds… come dîjeûve Julos Beaucarne.
Cès mots là, ègsistéyenut d’djà dins lès motîs d’ walon, ou qu’ont d’djà stî atauv’lé dins lès bates di noûmots ou qui sièvenut d’djà dins dès scrîjadjes walons, èt dins dès scrîjadjes di walon comachî avou do françès.
Vos p’loz ratauveler dès mots qu’ont sièrvu à on’ ôte saqui èt vos p’loz mète pas qui, mins c’ n’èst nin oblidjî.
C’est vosse tchwès èt vos-èsplikadjes qui sièvront à vos dispaurtadjî. Lès mots sèront rèlis pacequ’i pouront moussî dins one sôte riprîje véci d’zo :
- one ètimolodjéye qui vaut lès pin.nes, nin conûwe, èt à fé conèche.
- on mot qui n’ègsistéye nin è françès mins qui l’ walon pout prinde li place. (waîtîz qui l’ mot atauvlé n’auye ni one dîjin.ne di sins’)
- li maniére di comprinde li mot avou èt dins lès-ûsances do walon.
- au r’gârd possube avou li scoladje dè l’ Fèdèrâcion Walonîye-Brussèle.
- Si biaté (oyî, c’èst chaque si goût, mins…)
Po prinde paurt à nosse djeu, vos d’voz tot jusse èvôyî lès mots d’ vosse tchwès divant li 30 di sètimbe 2021 17 eûres à l’ôrlodje, à l’émail : nicolaspaultilkin@ li sècrètêre dè l’ djuri dè l’ bate.
Ni rovioz nin d’ dîre au jusse à quéne sôrte qui l’ mot s’rapwate.
Vos rèsponses sèront prusintéyes au djuri qui forbaterè dès mots r’çu èt qui prusinterè lès rèsultats è novimbe 2021.
Lès djurîs rèliront 2 mots po chaque sôte – dji dî bin 10 mots, deûs po chaque sôte qui gangnerons lès pris. I sèront r’prins dins lès gazètes. Qui d’manderont èto à leûs lîjeûs d’ lè dîre dins leûs causadjes, t’t-ossi bin quand i causenut walon avou dès-ôtes walons èt minme quand i causenut è françès.
Po-z-achèver, lès gangnants ricûront des bistokes : dès lîves è walons… èt l’ mèyeû mot dè l’ bate ricûrè 100 €.
On spèpieûs règlimint è francès pour yèsse èto d’mandé à l’ sècrètaire ou tchèrdjî d’ssu l’ twèle (drwèt djeu bate Nicolas).