Sov'nances di m' molin
Si lès cis d’ a Don Quichot’ sont èn-Èspagne, l’ ci d’ a Daudèt è Provance, li meun èst è Walon’rèye. Tot l’ monde n’ èl sét mutwèt nin, mins nosse Payis Condrûze si ståre dès deûs dès costés d’ Moûse. Minme si l’ bokèt nôrd èst pus streût èt mons vîgreûs qui s’ grand fré, c’ èst lès minmès tères, lès minmès mohones di pîre, lès minmes tîdjes, lès minmès havèyes èt li minme lingadje. Ci n’ èst qu’ passé oute dè l’ vîye tchåssèye dès Romins, qu’ pidjote a midjote, i vint bètch’ter lès cråssès tères dè Hèsbaye èt dè Payis Flamind.