Po mu p'tit fi, si bai, si bon,
I fåt bin on pau quu dj'rim'têye
I fait tote lu djôye dèl manhon,
Chér pitit fi, si bai, si bon !
I-è l'rimplih' du s'vigreûs djârgon
Du l'åmatin dusqu'al nutêye.
Po mu p'tit fi, si bai, si bon,
I fåt portant bin quu dj'rim'têye.
Mes dusplis filèt come foumîre
Qwand c'est quu dj'louque su blanke maquète,
Sès grands bleûs oûy's, milètes dè cîr,
Mes dusplis filèt come foumîre !
Ossu dju lî fais tos ses d'zîrs.
I rèy' av' on doû bru d'hilète.
Mes dusplis filèt come foumîre
Qwand c'est quu dj'louque su blanke maquète.
Pus tård, qwand c'est qu'i sèrè vî,
Et qu'i r'lérè ces quéquès rôyes,
E fond du s'coûr su dirè-t-i,
Pus tård qwand c'est qu'i sèrè vî ?
« Mes bons parints come is m'aîmît !
Mu rinde ureûs, c'esteût leû djôye.
Asteûre, ah ! dj'el comprind bin mî
Qwand c'est qu'dju r'lé ces quéquès rôyes »
A m’fi
A m’fi
A m’fi