Èvanjile d’après sint Djan/II

Èn årtike di Wikisource.
II

1. Lë trwèzyinme djoû, ë-n-avot on mariadje à Cana è l’ Galiléye, èt l’ man da Jésus î èstot.

2. Jésus î avoz stî pritî èto avou tos sès camarâdes.

3. À on momint, come on manquéve dë vén, lë man d’a Jésus lî a dët : « Ë n’ont pupont d’ vén ! 

4. Jésus lî rèspond « Man, qwè ç’ quë ça pout nos fé à vos come à më ? Mi-y-eûre n’èst ni co là ! »

5. Si man à dët aus vaurlèts : « Fioz tot ç’ qu’ë vos dirè d’ fé. »

6. Jëstëmint, ë-n-avot vélà dès cëtèrnes dë pîre à mëtan plin.ne d’aîwe po lès Juifs së r’nètî.

7. Jésus l’zeû dët : « Rimplëchoz lès à rés dè l’ copète. » èt ë lès-ont rimplë.

8. « Asteûre, poujîz d’dins èt pwärtoz-è, à vosse maîsse. Cë qu’ël ont faît.

9. Ël’a sâyî l’aîwe qu’avot stî tchandjîye, c’èstot dè vén, (Ë n’avot pont d’ëdéye d’èwou quë ç’ vén là v’néve. Mins lès vaurlèts l’ savîn’ zèls qu’avîn’ poujî l’aîwe.) Ël a arin.né l’ djon.ne marié po lî dîre :

10. « D’abëtë, on sièt todë l’ mèyeû vén, èt quand tot l’ monde à bén bèvë, on sièt l’ mwins’ bon, mins vos, vos avoz ratindë jësqu’asteûre po nos prësinter l’ mèyeû. »

11. C’è-st-insë, qu’à Cana è l’ Galiléye, Jésus à faît s’ prëmî mërauke, èt totes lès djins èt tos sès camarâdes ont crwèyë à ç’ qu’ë d’djéve.

12. Après ça, ël à d’dchindë d’ssë Cafarna.om, avou s’ man, sès frères, èt totes lès djins què l’ sûvîn’ d’abëtëde. Ë n’î ont ni d’mëré lonmint.

13. On-èstot qausë aus Pauques dès Juifs, èt Jésus v’leûve yèsse à Jèrusalèm’

14. I trova dins l'intrèye dë l'èglîje dès cés qui vindîne dès bous, dès bèrbës èt dès colons; èt lès banquiés achides.

15. I s'a fait one sëcorîye avou dès cwades è i lès tchèssa tortos fou d' l'èglîje, avou lès bèrbës èt lès bous; èt i spauda l' manôye dès banquiés èt i r'vièssa leûs tauves.

16. A lès cës qui vindîne dès colons, i l'zi dët: "Tëréz tot ça dë-d'çë, në fëjoz nî dèl maujone dë m' Pére one maujone dë fraudeûs".

17. Sès élèves s'ont sov'në qu'il èst scrît: "Lë daladje dë t' maujone më dëstrûrèt."

18. Lès Jwifs së r'vindjîne èt is li dirîne: "Qué sëgne nos mostëre-të po fé insë?"

19. Jésus responda èt l'zi dët: "Dêstrûjoz ç't' Eglîje-cë' èt d'së l' timps d' trwès djous, djè l' rëbatëchrè."

20. Adon lès Jwifs li dirîne: "Il a falë quarante-chîj' ans po bâtë ç't' èglîje-cë, èt twè d'së trwès djous tè l' rëbatëchrès?"

21. Mins lë, i causeûve dë l'Eglîje dë s' cwarps.

22. Insë don, quand il a ravëké d'inte lès mwarts, sès scolîs s'ont sov'në qu'il aveût dët ça, èt is ont crwèyë à l'Ecrëtûre èt à l' parole quë Jésus aveût dët.

23. Quand il èsteût à Jéruzalèm, dè timps dè l' fièsse, branmint ont crwèyë è s' nom, en vèyant lès mëraukes qu'i f'jeûve.

24. Mins lë, Jésus, n'aveût pont d' fîye à zèls, paç'qu'i lès conëcheûve tortos

25. èt paç'qu'i n'aveût ni dandjî qu'on li rindëche tèmwègnadje po l'ome, paç'qu'i saveût bén ç'qu'i-n-a dins l'ome.