I.
Scayeteû, bouche èt s’ cabouche su l’ tèt !
Boutchî, taye èt s’ kutaye ta tchaur !
Maurlî, soune èt s’ cassoune la transe !
Bèrdjî, tchèsse èt s’ kutchèsse lu leûp !
Mèskène, twâde èt s’ kutwâde ta bwêye !
R’chèreûse, froye èt s’ cafroye tès stins !
Tûzeû, sème, kussème tès-idêyes !
II.
Frèch tchin, cheû-t-tu, èt s’ tu k’cheû d’vant d’ mousser !
Siêrveû, sègne-tu, èt s’ tu k’sègne duvant l’ mwârt !
III.
Lu traqueû catoûne, èt s’ catoûne-t-i dins l’ bwès.
Lu hapeû d’êwe, chaure, èt s’ cachaure dulé l’ bî.
Wê l’ cinsî qui strame, si kustrame-t-i l’ansine.
Wê l’ soyeû qui tape, èt s’ kutape-t-i lès tronces.
Wê l’ pôvre ome qui route, èt s’ carote après l’ juje.
Choû l’ molin qui broye, èt s’ cabroye-t-i lès grins.
Lu singler vèrine, su cvèrine dins l’ avon.ne.
Choû l’ poulin qui pite, èt s’ kupite lu trava.
IV.
Grosse fame qui rît, qui piche èt s’ su k’piche-t-èle la cote.
Vî pourcê qui s’ vèroûye, èt s’ kuvèroûye dins l’ bonje.
Pôve tchakerèsse qui s’ kubat, èt s’ su k’bat-èle dins l’ lace.
Pôve lêde biche qui s’ kutwâde, èt s’ su k’twâde dins l’ bricole.
Riscrît a pårti do papîscrît di dviè 1984, ricandjî ene miete po-z awè l' bon pîtaedje